A humanidade extrai e usa hoxe uns 60.000 millóns de toneladas de materias primas ao ano, isto é por volta dun 50% máis do que hai apenas 30 anos. Nos países enriquecidos consumimos dez veces máis recursos naturais do que nos empobrecidos. Con case 3 toneladas per cápita ao ano, Europa é o continente coa maior importación neta de recursos. A economía mundial utiliza hoxe un 30% menos de recursos para producir 1 euro de PIB e, no entanto, a utilización de recursos segue a medrar... Friends of the Earth-Europe, Global 2000 e o SERI (Sustainable Europe Research Institute), co fin de facilitar o debate sobre o uso europeu dos recursos e o seu impacto ambiental e social en todo o mundo, veñen de publicar o estudo "Sobreconsumo? O noso uso dos recursos naturais do mundo", que pretende ser o primeiro dunha serie de relatorios sobre diferentes aspectos da utilización dos recursos naturais.
| Comentários |
|